Öllum teikningum er hægt að breyta í samræmi við óskir viðskiptavinarins. Eftir að hústeikningarnar hafa verið staðfestar er tilboð sent til viðskiptavinarins. Þegar tilboð er samþykkt, samningur undirritaður og kaupandi hefur greitt fyrstu innborgun, hefst vinna við teikningar.

Allar arkitekta- og verkfræðiteikningar eru innifaldar í verði okkar. ​  Framleiðandinn gerir framleiðsluteikningar í samræmi við íslenskar byggingarreglugerðir og uppfylla þær alla íslenska staðla.

Þegar hönnun burðarþols er tilbúin og samþykkt hefst framleiðslan á einingum hússins. Einingarnar eru framleiddar af reyndum sérfræðingum sem ljúka framleiðsluferlinu í samræmi við staðla og nákvæma framleiðsluhönnun.  Gæðastjórnun og framleiðsluaðstæður tryggja vönduð vinnubrögð og nákvæmni í framleiðslu. Framleiðslutími húsanna er að meðaltali um 8-12 vikur.

Afhending húsa  er í samræmi við gerðan kaupsamning hverju sinni. Við getum boðið upp á afhendingu beint á verkstað, hvert á land sem er. Hús eru farmtryggð alla leið á verkstað.

Hægt er að útvega sérfræðinga á vegum verksmiðjunnar til að  setja upp húsin.​