GRUNNUR
TEKTA einingahúsin eru miðuð við að fara á steypta sökkla/plötu. Það er einnig hægt að kaupa aukalega timbur- gólfeiningar til að setja á dregara. Þessar gólfeiningar koma í stað steyptrar plötu.
Það má áætla að það taki 1-2 vikur
að gera sökkul/plötu tilbúna.
Kaupandi sér um að undirstöður hússins séu tilbúnar fyrir afhendingardag eininga á verkstað.
AFHENDING
Afhending TEKTA einingahúsanna er í samræmi við gerðan kaupsamning hverju sinni.
Við afhendum einingarnar beint á verkstað og eru þær farmtryggðar alla leið.
UPPSETNING
Húsin koma í stórum einingum sem er raðað saman á byggingarstað samkvæmt teikningum..
Fyrsta skrefið er að leggja festingarreimi fyrir inn- og útveggi á plötuna með múrboltum. Þetta er gert áður en reisning hefst og krani kemur á svæðið.
Kaupandi þarf að setja einingarnar upp/saman og ganga frá þakstáli og þakkanti (við getum aðstoðað kaupanda við að finna iðnaðarmenn í verkið ef þörf er á).
Áætla má að uppsetning á húseiningunum taki
um 1 til 2 daga (með krana og 4 mönnum).
ÞAKUPPSETNING OG
FRÁGANGUR AÐ UTAN
Þakið kemur í stórum einingum sem einfaldlega eru skrúfaðar ofan á límtrésbita í mæni og ofan á festingar í útveggjum. Frágang á þaki þarf að vinna eftir að einingum hefur verið komið fyrir. Ganga þarf frá þakpappa, lektum, þakstáli, þakkanti og rennum.
Frágangur á útveggjaeiningum innfelur að loka og ganga frá einingasamsetningum.
Hægt er að reikna með að það taki 2 menn um
5 til 10 daga að ganga frá þessum þáttum (klára húsið alveg að utan).
INNIFRÁGANGUR
Útveggja- og þakeiningar koma einangraðar með rakavarnarlagi (rakavarnarlag fyrir loft þarf að setja eftir á).
Með húsinu fylgir efni í lagnagrind (sem er komin á útveggja einingar) ásamt gifsplötum til að klæða útveggi, milliveggi og loft. Allir milliveggir koma samsettir og önnur hlið klædd með OSB plötum, einangrun og OSB plötur á hina hliðina fylgja með.
Frágangur innanhúss er á ábyrgð kaupanda.
